- Os empregados municipais traballarán en réxime de servizos mínimos de 9 a 14 horas

- O goberno municipal pide á veciñanza que respecte o estado de alarma e permaneza illada nas súas casas

^{Valga, 16 marzo de 2020.}

^{Debido ao estado de alarma declarado polo Goberno do Estado a través do Real Decreto 463/2020, o Concello de Valga pecha as oficinas municipais e suspende temporalmente a atención presencial á cidadanía, que terá á súa disposición as vías telefónica e telemática para resolver asuntos de emerxencia}

^{Os empregados municipais traballarán en servizos mínimos de 9 a 14 horas realizando tarefas administrativas, garantindo a prestación dos servizos básicos e atendendo aquelas outras necesidades que poidan xurdir. En concreto, mantéñense en funcionamento o Rexistro, o Portelo Único e os Servizos Sociais, ademais doutros departamentos de carácter interno.}

^{Os veciños teñen á súa disposición os teléfonos 986 55 94 56 e 986 55 92 44 e o correo electrónico Este enderezo de correo está a ser protexido dos robots de correo lixo. Precisa activar o JavaScript para velo. só para resolver asuntos de urxencia, tendo en conta que o Real Decreto 463/2020 establece, na súa disposición adicional terceira, a suspensión de todos os prazos administrativos.}

^{Hai que lembrar que dende o pasado venres todos os centros sociais, culturais, deportivos, veciñais e sociocomunitarios dependentes do Concello de Valga permanecen tamén pechados e sen actividade en cumprimento das directrices marcadas polas autoridades sanitarias.}

^{O goberno municipal pide encarecidamente á veciñanza que cumpra escrupulosamente as medidas ditadas polas autoridades para evitar a expansión do coronavirus, especialmente aquelas relacionadas co illamento social, permanecendo nas súas casas e saíndo só cando sexa necesario para ir a traballar ou para mercar produtos de primeira necesidade. O Concello lembra que é RESPONSABILIDADE DE TODOS deter a expansión do Covid-19 e evitar que as persoas con maior risco –maiores e persoas con patoloxías previas– poidan entrar en contacto co virus.}

^{EN CASO DE QUE ALGUNHA PERSOA PRESENTE OS SÍNTOMAS DA ENFERMIDADE, NON DEBE DESPRAZARSE AO CENTRO DE SAÚDE SENÓN CHAMAR POR TELÉFONO AO 900 400 116 E SEGUIR AS INDICACIÓNS QUE LLE TRANSMITAN.}

^{Real Decreto 463/2020: https://www.boe.es/buscar/doc.php?id=BOE-A-2020-3692}

^{Acordo do Centro de Coordinación Operativa da situación de emerxencia sanitaria no territorio da Comunidade Autónoma de Galicia:  https://www.xunta.gal/dog/Publicados/2020/20200315/AnuncioG0244-150320-1_gl.html}