Accessibility Tools

NOVAS DO CONCELLO

- Esta fin de semana celébrase a XIV Exposición da Camelia “Bella Otero”

- A asociación Nydia e o Club Karate Valga reunirán fondos para ASDENT e a Escola Infantil organiza un evento a favor da Fundación Andrea

auditoriooo

Valga, 4 de marzo de 2020.

O Auditorio Municipal acolle durante o mes de marzo actividades de moi diversa índole, dende propostas musicais a varios festivais solidarios e tamén actos sobre igualdade con motivo da celebración do Día Internacional da Muller, que se conmemora o 8 de marzo.

Entre estos últimos, destaca a homenaxe que se renderá o vindeiro domingo a un grupo de mulleres profesionais das Ciencias da Saúde. Ademais, o venres 13 terá lugar ás 18:30 horas a actividade “Conversa entre Mulleres”, unha iniciativa de formación e empoderamento feminino financiada a través do Pacto de Estado contra a violencia de xénero. A temática a tratar será a “Recuperación do chan pélvico e tonificación abdominal”, coa participación dunha especialista. O prazo de inscrición está aberto ata o día 10 de marzo. Por último, o luns día 30 a chef Lucia Freitas, cunha estrela Michelin, impartirá unha conferencia ao alumnado do IES de Valga no marco da campaña “Nin + nin -, iguais”, da Secretaría Xeral de Igualdade da Xunta.

Nas vindeiras semanas tamén se celebrarán varios festivais con carácter benéfico. Dous deles xuntarán fondos para a asociación ASDENT e para o neno Hugo, diagnosticado coa enfermidade de Dent, unha doenza xenética considerada rara e que afecta á función dos riles. A asociación Nydia de Vilagarcía chegará o sábado 14 ao Auditorio de Cordeiro co espectáculo de imitacións musicais “E ti, de quen ves sendo?”, que reunirá a máis de 100 persoas en escena para realizar coreografías e cantar en directo. Haberá dúas funcións, unha ás 17:30 e outra ás 20 horas e o prezo da entrada é de 3 euros, que se doarán integramente á causa de ASDENT.

O Club Karate Valga súmase igualmente á solidariedade con esta asociación e con Hugo, celebrando o domingo día 22 a partir das 18 horas un festival benéfico con entrada de balde. E para completar os actividades con carácter solidario, o día 18 de marzo á 16 horas a Escola Infantil Municipal organiza un festival para recadar fondos para a Fundación Andrea, que axuda a nenos diagnosticados con doenzas crónicas ou terminais e ás súas familias. Haberá actuacións, obradoiros, sorteo de agasallos doados por distintos colaboradores, un mercado solidario e merenda.

Outro grupo de actividades incluídas na programación mensual do Auditorio están relacionadas coa música. Este venres o Centro Superior de Música organiza unha das audicións do concurso World Music Competition, e o venres e o sábado terá lugar unha masterclass de saxofón a cargo de Marie-Bernadette Charrier.

Para o sábado 21 está programado un concerto de solistas da Escola Municipal de Música e o mercores 25 será o alumnado do Centro Superior de Música o que actúe no Auditorio. Nos dous casos as actuacións comezarán ás 20 horas e a entrada é de balde.

Ao longo do mes haberá, ademais, outras propostas culturais e lúdicas coma a XIV Exposición da Camelia “Bella Otero”, que terá lugar esta fin de semana e na que poderán verse traballo e composicións florais realizados por veciños e colectivos de Valga. 

Por outra parte, o venres 13 celébrase o XII aniversario do Centro de Día coa representación, a partir das 11:30, do espectáculo “O berce dos contos”, de Alentía Teatro. Asistirán usuarios de varios centros de día da contorna.

E, por último, o venres 27 a biblioteca municipal celebra un obradoiro de monicreques gratuíto para nenos.

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver