- Unha quincena de colectivos e entidades de Valga colaboraron no evento, organizado pola Concellería de Cultura e Amigos do Belén

- Asistiu a vicepresidenta da xunta provincial da AECC en Pontevedra, Alicia Sarmiento

festival11

Valga, 18 de decembro de 2017.

O festival benéfico celebrado na tarde de onte no Auditorio baixo a organización da Concellería de Cultura e a asociación Amigos do Belén conseguiu reunir 1.500 euros para a Asociación Española contra o Cancro. Algo máis da metade desta cantidade, 800 euros, correspondéronse cos donativos do público e a compra de rifas para o sorteo de agasallos, mentras que os cartos restantes foron aportados por algúns dos colectivos que colaboraron co evento.

Foron unha quincena as asociacións e entidades que se sumaron ao festival benéfico: a asociación cultural Palilleiras de Valga, a Coral Polifónica Santa Comba, asociación veciñal e cultural de Vilarello, As dúas en punto, as asociacións de pais e nais de alumnos dos colexios de Baño e Ferro Couselo e do IES de Valga, Heroes de Casaldeirigo, Mulleres Rurais “Albor”, asociación de palilleiras A Bella Otero e o colectivo xuvenil “A Eira”. Tamén colaboraron Andrés García (de Gama e Hijos), A Casa dos Nenos, a cafetería Auditorio.

O festival comezou con actividades lúdicas para os máis pequenos, dende maxia ata cancións, un concurso de baile e unha batalla de globos xigantes. Despois chegou o turno do teatro da man da Escola Municipal e dun grupo de veciños afeccionados á interpretación. Representaron “Os xubilados van ao McDonalds” e “Mala pata”. Para rematar, os membros da asociación Heroes de Casaldeirigo parodiaron o concurso televisivo “Tu cara me suena”, que convertiron en “Ti sónasme de carallo” e que contou con artistas como Camela, Raffaella Carra, King África e Boney M.

O evento contou coa presenza de Alicia Sarmiento, vicepresidenta da xunta provincial de Pontevedra da Asociación Española contra o Cancro, que agradeceu a celebración do festival  e a asistencia e colaboración dos veciños e asociacións de Valga. Os fondos reunidos onte “poden servir de moito”, destacou. A AECC axuda económicamente a enfermos de cancro e as súas familias e, ademais, destina o 15% de todo o recadado á investigación, que “é tanto ou máis importante que a atención aos enfermos”.

festival1 festival2 festival3 festival4 festival5 festival6 festival7 festival8 festival9 festival10 festival13 festival14

 

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver