- O CRA e os colexios de Baño e Cordeiro realizaron esta mañá as súas actividades de Carnaval

- Pola tarde, a comunidade educativa da Escola Infantil reunirase no Auditorio e a biblioteca de Cordeiro acolle un obradoiro de caretas

^{Valga, 21 de febreiro de 2020.}

^{Os centros educativos de Valga viven hoxe unha xornada de celebración do Entroido na que os disfraces, desfiles e os doces típicos destas datas son os protagonistas.}

^{O CEIP Baño-Xanza foi o encargado de inaugurar, pola mañá, as actividades lúdicas cun desfile polos arredores do colexio no que participaron o alumnado e o persoal docente. O percorrido tivo como punto de destino o pavillón municipal, onde protagonizaron actuacións.}

^{A temática elixida polo centro para o seu festival foi a volta ao mundo, baixo o título “Valgueando polo mundo”. Os alumnos de Infantil vestiron disfraces de africanos; os de 1º de Primaria, de exipcios; os de 2º, de vikingos; e os de 3º luciron traxes de hippies. En 4º de Primaria disfrazáronse dos personaxes de Willy Fog e a súa volta ao mundo en 80 días; en 5º a temática foi Roma; e, por último, os estudantes de 6º disfrazáronse de agasallos e “souvenirs” de distintos países do mundo.}

^{Centro Rural Agrupado (CRA) elixiu o Auditorio Municipal para celebrar o seu festival, no que se deron cita pais e familiares do alumnado. A temática da festa foron inventos e experimentos nas distintas épocas da humanidade. Os nenos de Chenlo convertéronse en homes da prehistoria, a escola de Campaña elixiu como tema Exipto, en Ferreirós voltaron á Antiga Grecia e os rapaces de Xanza fixeron unha viaxe ata a India. Por último, os alumnos da escola de Vilarello rememoraron a época do Renacemento e os do Forno, a era dixital.}

^{Os nenos e os seus mestres presentaron os inventos máis salientables de cada unha destas épocas a través de varias actuacións, primeiro por separado e, para rematar, todos xuntos formando unha alianza de civilizacións. Despois, as familias participaron nunha degustación productos tradicionais das festas do Entroido.}

^{O CEP Xesús Ferro Couselo de Cordeiro celebrou un “Entroido de Cine” cunha festa no patio do colexio á que tamén estiveron convidadas as familias dos alumnos. O cine infantil foi o fío condutor de todos os disfraces, representando as seguintes películas: Os Pitufos (1º e 2º de Primaria), Harry Potter (3º curso), Minnions (4º), Vengadores (5º de Primaria) e Shrek (6º). O festival contou con actuacións e bailes a cargo dos estudantes e, para rematar, unha merenda con doces típicos do Entroido aportados polas familias.}

^{Esta tarde continuarán os actos educativos co festival da Escola Infantil Municipal, que terá lugar a partir das 16:30 horas no Auditorio.}

^{Ademais, na biblioteca municipal de Cordeiro celébrase entre as 17:30 e as 18:30 horas un obradoiro de caretas para nenos, con entrada gratuíta.}