Accessibility Tools

NOVAS DO CONCELLO

- Bello Maneiro amosouse “encantado” de que a sala de exposicións municipal siga acollendo a novos artistas e permita dar a coñecer os seus traballos

- A mostra, da catoirense Rosa Suárez, reúne unha serie de fotografías tomadas na romería de Santa Marta de Ribarteme

ExpoRS1

Valga, 8 de febreiro de 2020.

O alcalde, José María Bello Maneiro, inaugurou onte a mostra fotográfica “Sensacións: a vida e a morte”, de Rosa Suárez. O rexedor e a autora das imaxes estiveron tamén acompañados polas concelleiras Begoña Piñeiro e Malena Isorna.

“Sensacións: a vida e a morte” pode verse na sala de exposicións do Auditorio Municipal durante todo o mes de febreiro e reúne unha serie de fotografías tomadas en de Santa Marta de Ribarteme, considerada a romería máis antiga de Galicia e que se celebra no concello de As Neves. A procesión de cadaleitos con persoas ofrecidas no seu interior e a poxa de animais son dúas das tradicións máis senlleiras desta festa e que aparecen recollidas na mostra, simbolizando a morte e a vida. A mensaxe que pretende transmitir  a fotógrafa é que “debemos mirar a vida doutra forma. Fixarnos máis na xente que temos ao noso arredor, convivir máis con esas persoas e valorar as relacións, a amizade e a familia”.

Rosa Suárez, veciña de Catoira, está relacionada familiarmente con Valga. Seu pai era natural de Balleas (Cordeiro) e conserva ainda parentes e achegados na localidade. A fotografía é unha afección á que Rosa adica cada vez máis tempo e esforzo. “Gústame dende hai moito, pero nos últimos anos estou máis centrada nela e estou realizando varios cursos con mestres coma Fuco Reyes”, considerado un dos fotógrafos maís relevantes de Galicia e gañador de numerosos galardóns, entre eles varios Premios Lux.

Durante a inauguración o alcalde amosouse “encantado” de que a sala de exposicións do Auditorio siga acollendo a novos artistas e permita dar a coñecer os seus traballos.

ExpoRS2 ExpoRS3

ExpoRS4 ExpoRS5

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver