- O humorista estará acompañado polo televisivo Isi no espectáculo “A xira dos anos 20”

- Terá lugar o sábado 1 de febreiro e as entradas teñen un prezo de 7 euros

^{Valga, 15 de xaneiro de 2020.}

^{O humorista Pepo Suevos actuará na Casa da Cultura de Valga o próximo 1 de febreiro dentro da xira de conmemoración do seu vinte aniversario no mundo do espectáculo, “A xira dos 20 anos”.}

^{Para celebrar estas dúas décadas de carreira, o actor e monologuista realizará vinte actuacións seguidas en diferentes lugares de Galicia durante o mes de febreiro, acompañado en cada unha delas por algúns dos compañeiros que coñeceu durante a súa traxectoria. Na cita de Valga compartirá escenario con outro coñecido humorista galego, o televisivo Isi.}

^{A función está programada para as 20:30 horas e o prezo das entradas é de 7 euros.}

^{A actividade é organizada polos concesionarios da cafetería da Casa da Cultura.}