- Representantes do Concello e da asociación Amigos do Belén valoraron a presentación e a orixinalidade das composicións

- Os premios entregaranse o vindeiro 5 de xaneiro, durante a Cabalgata de Reis

^{Valga, 22 de decembro de 2019.}

^{O xurado do Concurso de Beléns, organizado pola Concellería de Cultura, percorreu este sábado os nacementos inscritos e que optan aos premios. O tribunal estivo integrado por representantes do Concello e da asociación Amigos do Belén, que á hora de outorgar as puntuacións valoraron cuestións como o tamaño, o número de pezas, a presentación e a orixinalidade.}

^{O percorrido do xurado comezou en Laxes, onde Fran e Juan Otero Lobato presentaron ao certame un belén duns 10 metros cadrados de superficie e con 185 pezas. As edificións foron feitas artesanalmente con materiais coma corchos, cartón, paus de xeados, pedras e restos de ladrillos. As figuras son de barro. O nacemento conta con iluminación e movemento nalgunhas pezas coma o muíño.}

^{En Baño o xurado visitou un nacemento cunhas 130 figuras dispostas en seis metros cadrados con edificiacións feitas tamén a man, a maioría de corcho. Tamén neste caso, o belén incorpora iluminación e pezas con movemento e nel destacan algúns detalles de carácter local coma o Camiño de Santiago que conduce ata a Catedral. Esta composición é obra do grupo de amigos formado por Alejandro Torres, Jenifer Valiño, Pedro Ramos, Alfonso Álvarez, Ainoa Fontán, Alejandro Cortés, Julián Cerneira, Gustavo Tarrío e Andrea Torres.}

^{Por último, concorreu ao concurso Sara Portas Piedras, veciña de Pontevalga, que montou un belén de 5 metros cadrados e unhas 155 pezas con edificacións de madeira e poliestireno, figuras de barro e plástico e con iluminación.}

^{O gañador do certame darase a coñecer o día 5 de xaneiro, durante a Cabalgata de Reis, xornada na que tamén se entregarán os premios a todos os participantes.}