- Os alumnos de Chenlo, Campaña, Vilarello, Forno, Fereirós e Xanza aproveitaron para pedirlle moitos regalos para Noiteboa

- A conexión con Laponia realizouse dende a Aula CeMIT do Auditorio

^{Valga, 12 de decembro de 2019.}

^{Laponia e Valga estiveron hoxe un pouco máis cerca. As novas tecnoloxías non coñecen de distancias e grazas a elas os nenos do Centro Rural Agrupado (CRA) puideron conectar con Papá Noel por videoconfencia dende a Aula CeMIT do Auditorio. A ilusión do Nadal reflexouse nas caras de todos os rapaces cando o viron aparecer na pantalla.}

^{Rodeado de neve, Santa Claus conectou dúas veces con Valga, primeiro para escoitar a lista de regalos que lle pediron os alumnos das escolas unitarias de Vilarello, Ferreirós e Forno e, despois, para facer o propio cos de Campaña, Xanza e Chenlo. Así os sesenta nenos do CRA tiveron ocasión de conversar con Papá Noel e contarlle o ben que se portaron durante este ano. Son obedientes, aplícanse moito no colexio, axudan aos seus pais coas tarefas do fogar e comen case todo o que lles poñen no prato. Por iso Santa Claus prometeulles que faría todo o posible para cumplir os seus desexos e deixarlles baixo a árbore de Nadal os seus xoguetes favoritos en Noiteboa. Iso si, pediulles que sempre manteñan a ilusión, que é moi importante para que poida viaxar polo mundo cos seus renos e repartir todos os agasallos a tempo.}

^{A fábrica de xoguetes de Papá Noel e os seus elfos xa están traballando a pleno rendemento porque a lista de regalos que pediron os nenos valgueses é moi longa: coches, bebés, dinosaurios, motos, bicicletas, camións, un tren, equipacións de fútbol, Playmobil, unha comisaría de policía, ferramentas, disfraces, instrumentos musicais coma baterías e ata unha gaita, sereas, tabletas, unha pista de canicas… e moitas más cousas. Os alumnos do CRA tamén deixaron mostra da súa xenerosidade pedindo tamén agasallos para os seus irmáns.}

^{Na súa conversa con Santa Claus, rapaces contáronlles as súas tradicións favoritas do Nadal: montar a árbore, abrir os regalos e tamén o turrón de chocolate. Papá Noel pediulles que en Noiteboa lle deixen baixo a chimenea ou xunto á árbore un vaso de leite con galletas e unhas cenorias para os renos.}