- As persoas interesadas en asistir poden inscribirse no Auditorio Municipal ou nas oficinas do Concello

- Estas actividades son gratuítas e organízanse en colaboración co Instituto Galego de Consumo

^{Valga, 18 de outubro de 2019.}

^{A Aula CeMIT ten programadas para as vindeiras semanas dúas novas actividades sobre os dereitos dos consumidores en relación aos servizos de gas e asistencia técnica.}

^{O luns 28 de outubro, a partir das 10:30 horas, terá lugar o Seminario Web "Servizos de Gas”, promovido polo Instituto Galego de Consumo e Competencia. Con esta charla, preténdese facilitar os coñecementos básicos necesarios para comprender a factura do gas, para adoptar medidas de aforro no gasto e para realizar una reclamación nos diferentes supostos que se poidan presentar en relación á contratación dos servizos prestados polas compañías do gas.}

^{Hai que ter en conta que cada vez son máis os servizos domésticos que utilizan gas para funcionar. Con todo, comprender como varía o mercado desta enerxía e o que se pode facer para optimizar o consumo aínda é algo difícil de comprender para moitos cidadáns.}

^{A segunda actividade que ten fixada a Aula CeMIT é a videoconferencia “Servizos de asistencia técnica”, que se retransmitirá o día 4 de novembro dende a Escola Galega de Consumo entre as 12 e as 13 horas.}

^{Na maioría dos seguros de fogar e de aparellos como caldeiras ou electrodomésticos adoita incluírse un servizo técnico de asistencia, cuxas utilidades moitas veces se desaproveitan por descoñecemento.}

^{Nesta sesión profundizarase nos dereitos das persoas consumidoras en relación aos servizos de reparación de aparellos de uso doméstico e ofrecerase información en canto a orzamentos, resgardos de depósito, garantías e como reclamar no caso de que os citados dereitos se vexan vulnerados.}

^{O prazo de inscrición para estas dúas conferencias está aberto e as persoas interesadas poden anotarse na propia Aula CeMIT, emprazada no Auditorio Municipal, ou por teléfono no Auditorio (986 556769) e no Concello (986 559456).}