- O concelleiro de Deportes, Manuel Ferreiro, participou na entrega de premios e no xantar de clausura 

- A boa densidade de coellos e a axeitada climatoloxía provocaron que a proba estivese moi disputada

cazacoello1

Valga, 7 de outubro de 2019.

Os terreos do Tecor de San Huberto, que abarca os concellos de Valga e Pontecesures, acolleron esta fin de semana o Campionato Galego de cans de rastro sobre coello, organizado pola Federación Galega de Caza coa colaboración da Sociedade de Cazadores San Huberto.

A alta densidade de coellos e a axeitada climatoloxía da xornada fixeron que se viviran moitos lances e dificultaron o labor dos xuíces á hora de cualificar e puntuar o traballo dos cans participantes.

Alfonso Rey Baule, co lote de cans integrado por Xouva, Trus, Trasno e Clay, proclamouse campión da proba, mentras que Jaime López Castro foi subcampión con Pipa, Pulga, Mía e Xesta. No terceiro posto repetiu Alfonso Rey Baule con outro dos lotes cos que participou e do que formaban parte Rara, Xesta, Rato e Fousa.

O can Trus de Alfonso Rey foi proclamado o mellor do campionato.

O acto de clausura contou coa participación do concelleiro de Deportes, Manuel Ferreiro, ao que acompañaron o xefe provincial de Deportes da Xunta de Galicia, Daniel Benavides, o presidente da Federación Galega de Caza en Pontevedra, Francisco Couselo, o secretario desta entidade e directivos da Sociedade de Cazadores San Huberto de Valga que preside Antonio Bouzón. No transcurso deste acto fíxoselle entrega dunha placa a Carlos Casas Cambón, ao proclamarse campión da Copa Galicia.

Para pechar a xornada cazadores e autoridades asistiron a un xantar de confraternidade nun restaurante do municipio.

O Tecor de Valga tense convertido nun referente no que á recuperación do coello se refire. A Sociedade San Huberto conta cun cridadeiro de coellos en semi liberdade que ocupa unha hectárea de terreo e 170 biotopos dispersos polas 4.300 hectáreas de superficie do Tecor. Nos seus terreos xa se disputou no mes de agosto a Copa España de cans de rastro sobre coello e en setembro, o campionato provincial.

cazacoello2 cazacoello3

cazacoello4

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton radio

boton tempo

Volver