Accessibility Tools

NOVAS DO CONCELLO

- Poden inscribirse estudantes de Primaria, Secundaria e Bacharelato e tamén persoas adultas

- A reserva poden facerse por correo electrónico ou no Auditorio Municipal

 

Valga, 11 de setembro de 2019.

A Escola Municipal de Idiomas ten aberto o prazo para matricularse nas clases de inglés, francés e alemán que se impartirán durante o curso 2019/2020 no Auditorio Municipal, tanto para adultos como para nenos e mozos.

As cotas establecidas para adultos son de 39 euros ao mes para persoas empadroadas en Valga e de 44 para as que non están empadroadas. No tocante aos estudantes de Primaria, Secundaria e Bacharelato, os prezos son de 35 euros ao mes para os empadroados no municipio e de 38 para os veciños doutras localidades.

Os interesados poden facer a súa reserva a través do correo electrónico, na dirección Este enderezo de correo está a ser protexido dos robots de correo lixo. Precisa activar o JavaScript para velo., ou entregando a folla de solicitude no Auditorio. Tamén teñen á súa disposición os teléfonos 986 85 12 25 e 698 13 35 12 para aclarar calquera dúbida.

As clases da Escola Municipal de Idiomas están ao cargo do Centro Waterford, que conta con profesorado especializado e, ademais, é centro examinador oficial de Trinity College London e centro preparador de Cambridge University. Deste xeito, o alumnado pode preparar as probas para obter os certificados Pet (B1), First (B2), Advanced (C1) e Proficiency (C2) de Cambridge. No tocante aos estudantes máis novos, poden prepararse para a obtención dos certificados expedidos por Trinity College que avalían as competencias orais e cubren todos os niveis do Marco Europeo de Referencia (A1, A2, B1, B2, C1 e C2).

No caso do francés, os matriculados na Escola Municipal poden preparse para lograr os certificados expedidos pola Alianza Francesa e, no do alemán, polo Instituto Goethe.

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver