- A actuación serviu de estrea do piano adquirido polo Concello para a Escola Municipal de Música

- É o segundo instrumento das súas características existente en España

piano01

Valga, 1 de xullo de 2019.

A Banda de Música Municipal de Valga celebrou onte domingo o seu vixésimo aniversario cun concerto no que compartiu escenario coa Coral Polifónica Santa Comba de Cordeiro.

A agrupación vocal, dirixida por Manuel López Castro, foi a encargada de abrir a actuación coa canción popular “Terra meiga” e o “Aleluia” de Häendel. A continuación, a Banda Municipal, con Manuel Villar Touceda á batuta, interpretou o pasodobre galego “Compostela”. 

Ambas formacións contaron co acompañamento ao piano de Paula Gago, posto que o concerto serviu tamén como estrea oficial do último instrumento adquirido polo Concello para a Escola Municipal de Música: un piano de cola modelo “Concert” da marca alemana Gotrian Steinweg, unha das de maior prestixo a nivel internacional. O Concello investiu 80.000 euros no instrumento, o segundo das súas características que hai en España (o outro atópase no Liceo de Barcelona). A posta de largo do piano chegou da man da profesora da Escola Municipal de Música Paula Gago, que emocionou ao público ao interpretar o tema “Gran Fantasía Española”.

O alcalde, José María Bello Maneiro, que asistiu á actuación acompañado por varios concelleiros do goberno municipal, destacou que “hai 20 anos víase moi lonxe poder contar con estas instalacións (as do Auditorio) e desfrutar dun espectáculo coma este. Se conseguimos todo isto foi grazas a todos os veciños de Valga, que loitamos xuntos para que hoxe sexa unha realidade da que temos que sentirnos moi orgullosos”. Bello Maneiro engadiu que o Concello e o equipo de goberno cren na cultura e que “non todo está feito, todos xuntos podemos conseguir novas metas. A seguinte é que Valga teña o terceiro Conservatorio Superior de Galicia”.

Para pechar o concerto a Banda e a Coral, que no mes de decembro festexará tamén o seu 25 aniversario, interpretaron conxuntamente “Slavenkoor uit Nabucco” e o Himno Municipal de Valga.

bandacoral1 bandacoral2

bandacoral3 piano02

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton directorio

boton radio

boton tempo

Volver