- Acondicionaranse oito tramos de estrada entre Campaña e Vilar

- A Consellería de Medio Rural concedeu unha subvención de 36.288 euros para este proxecto

^{Valga, 20 de xuño de 2019.}

^{O Concello adxudicou á empresa Covsa a execución das obras de acondicionamento e pavimentación das estradas paralelas á vía do ferrocarril.}

^{As obras de asfaltado levaranse a cabo nun total de oito tramos comprendidos entre Campaña e Vilar. Sete atópanse na marxe esquerda da vía do tren e o oitavo, na marxe dereita. En concreto, actuarase xunto á rotonda de acceso ao Punto Limpo, detrás das empresas Exlabesa e Extrugasa, nas zonas de Laxes e Carracido, no entronque coa praia fluvial de Vilarello e un último tramo comprendido entre Vilarello e Vilar.}

^{Os traballos que se levarán a cabo consistirán na limpeza e fresado do firme e o posterior pavimentado con aglomerado en quente e para financialos o Concello conta cunha subvención de 36.288’24 euros da Axencia Galega de Desenvolvemento Rural (Agader) da Consellería de Medio Rural.}

^{Coa execución deste proxecto quedarán solventadas as carencias existentes nas estradas paralelas á vía do ferrocarril, que na actualidade presentan zonas deterioradas.}