- O músico Xoán Curiel e a contadora Charo Pita achegaron aos cativos a vida e obra do autor homenaxeado no Día das Letras Galegas

- O espectáculo combinou narracións tradicionais e algunhas das cantigas populares recollidas por Fraguas

^{Valga, 28 de maio de 2019.}

^{O Auditorio Municipal recibiu esta mañá a uns 250 alumnos de Educación Primara do CEIP Baño-Xanza, que asistiron ao espectáculo “Canta miña pedra, canta”, unha homenaxe a Antón Fraguas, autor ao que este ano se adicou o Día das Letras Galegas.}

^{A actividade estivo protagonizada polo músico Xoán Curiel e a contadora Charo Pita, que a través da música e de narracións tradicionais achegaron aos rapaces a vida e obra de Antón Fraguas, dende que de neno soñaba con ser maquinista de tren ata que publicou algúns dos seus traballos máis significativos, como “Aportacións ao Cancioneiro de Cotobade”.}

^{Precisamente nesta obra e nas cantigas populares que Fraguas recolleu nela está baseado o espectáculo “Canta miña pedra, canta”.}