- É a quinta edición do evento deportivo, que se celebra no campo municipal de Baño

- As competicións continúan a próxima fin de semana coas categorías alevín e prebenxamín

^{Valga, 27 de maio de 2019.}

^{O Cordeiro C.F. estreou esta fin de semana a quinta edición dos seus torneos de fútbol base, que se disputan no campo municipal de Baño e contan coa colaboración do Concello de Valga.}

^{O sábado dispotouse a competición de categoría benxamín, con dezaseis equipos participantes. Na fase final o gañador foi o Pontevedra C.F., o Arosa Promesas foi subcampeón e o terceiro e cuarto postos foron para o C.D. Rois e o Cordeiro C.F.}

^{Na fase de consolación impúxose a S.D. Aguiño, que gañou a final ante o AF7 Vilagarcía. O C.F. Carreira foi terceiro, e o C.D. Rois “B”, cuarto.}

^{O alcalde, José María Bello Maneiro, e o concelleiro de deportes, Manuel Ferreiro, asistiron á entrega de trofeos e medallas.}

^{Na xornada do domingo xogáronse os encontros de categoría biberón, tamén con dezaseis equipos participantes. O vencedor foi o Amio S.D., que lle gañou a final ao Victoria F.C. En terceiro lugar clasificouse o Arosa S.C. e o cuarto foi o Villestro S.D.}

^{Na fase de consolación houbo victoria local, impoñéndose o Cordeiro C.F. ao Sálvora na final. O C.D. Rois foi terceiro e o Atlético Cuntis, cuarto.}

^{Os torneos de fútbol base organizados polo Cordeiro C.F. continúan a vindeira fin de semana coas categorías alevín e prebenxamín. Os días 8 e 9 de xuño porán o broche a esta edición os infantís e os cadetes. En total, nas tres fins de semana participarán no evento deportivo máis de 1.400 futbolistas de 88 equipos.}