- Será gratificada con 600 euros e a súa montaxe poderá verse o vindeiro 1 de xuño dentro dos actos da recreación da Batalla de Casaldeirigo

- É a segunda vez que se proclama vencedora do certame, a anterior en 2017 con “Unha aldea guerreira”

batalla18

Valga, 22 de marzo de 2019.

A obra “O que Napoleón non se levou”, escrita por Marcela Rodríguez, proclamouse gañadora do Premio de Teatro “A Guerra da Independencia en Valga”, que anualmente convoca o Concello para rememorar a revolta popular dos veciños de Casaldeirigo contra o exército francés acontecida no ano 1809, durante a Guerra de Independencia.

Trátase dunha montaxe que recupera o protagonismo de personaxes históricos como Napoleón Bonaparte ou o rei Carlos IV e que ofrece dous puntos de vista sobre os mesmos acontecementos: o dos soldados franceses, no seu intento de conquistar España, e o dos campesinos e veciños de Casaldeirigo, que idean as tácticas máis inverosímiles para intentar frear o avance das tropas napoleónicas. “A obra ten máis contido histórico que outras que se teñen representado en edicións anteriores da Batalla e, nese sentido, é diferente e sáese un pouco da pauta”, explica a autora.

A Escola Municipal de Teatro e veciños de Casaldeirigo serán os encargados de representala o vindeiro 1 de xuño, dentro dos actos da undécima edición da Recreación da Batalla de Casaldeirigo. “Escribín a obra a propósito para este premio, creando protagonistas con personalidades moi marcadas, e penso que vai ser fácil de representar para os actores afeccionados”, explica Marcela Rodríguez. Pola súa parte, o director da Escola de Teatro, Manuel Solla, avanza que a vindeira semana comezarán a traballar na obra, co reparto de papeis e os primeiros ensaios.

É a segunda vez que Marcela Rodríguez gaña o Premio de Teatro “A Guerra da Independencia en Valga”, a anterior en 2017 con “Unha aldea guerreira”. Aos seus 18 anos, leva tempo vencellada ao mundo do teatro e actualmente está inmersa no proxecto “Compostela en Escena”, ao tempo que realiza un curso de doblaxe e prepara as probas de acceso a ciclos.

Como vencedora recibirá unha gratificación de 600 euros e colaborará na dirección da obra, reservándose o Concello os os dereitos de reproducción, distribución, comunicación pública e transformación en todo o territorio da Unión Europea para a súa explotación, execución teatral, edición e produción.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton directorio

boton radio

boton tempo

Volver