- Instalaranse dúas unidades enfriadoras para dar servizo á sala principal e á zona de camerinos

- As empresas poden presentar ofertas ata o vindeiro 13 de marzo

^{Valga, 7 de marzo de 2019.}

^{O Concello saca a contración outro dos proxectos do Plan Concellos 2019. Trátase da mellora da climatización no Auditorio Municipal, que conta cun orzamento de 81.376’21 euros.}

^{A actuación suporá a instalación de dúas unidades enfriadoras exteriores e da rede de condutos de distribución de aire interiores para dar servizo á sala principal do Auditorio e á zona de camerinos, mellorando as condicións térmicas, sobre todo na época estival. O prazo de execución é de 45 días contados a partir da sinatura do contrato.}

^{As empresas poden presentar ofertas ata as 15 horas do vindeiro 13 de marzo.}

^{Ao Concello de Valga correspóndenlle nesta anualidade un total de 538.232’16 euros do Plan Concellos da Deputación, uns fondos que se distribúen en base a criterios obxectivos como os habitantes, a superficie ou o número de núcleos de poboación. Ademais da climatización do Auditorio Municipal, executaranse outros tres proxectos: a pavimentación dunha vintena de estradas municipais nas que se investirán 363.782’46 euros; o ensanche e mellora do camino Montiño-Devesa (Campaña), cun orzamento de 45.882’28; e o subministro de electricidade ao depósito de auga de Cerneira (Setecoros), para o que se reservan 47.191’20 euros.}