Accessibility Tools

NOVAS DO CONCELLO

- Supervisaron a situación dos dous centros de Infantil e Primaria acompañados pola concelleira Carmen Gómez

- As dúas administracións traballan de xeito coordinado para mellorar as infraestruturas educativas de Valga

cole ferrocouselo

Valga, 8 de febreiro de 2019.

Técnicos da Consellería de Educación e do Concello, acompañados pola concelleira delegada de Educación, Carmen Gómez, realizaron esta semana un percorrido polos colexios CEP Plurilingüe Xesús Ferro Couselo de Cordeiro e CEIP Plurilingüe Baño-Xanza. Supervisaron o estado das instalacións educativas para detectar posibles deficiencias e necesidades en ámbolos dous centros, nos que cursan estudos arredor de 400 alumnos de Educación Infantil e Primaria.

Esta visita é consecuencia da reunión que o alcalde, José María Bello Maneiro, e a concelleira Carmen Gómez mantiveron recentemente con responsables da Consellería de Educación e na que, abordaron, entre outros asuntos, a situación dos diferentes centros de ensinanza de Valga. O obxectivo das dúas administracións é seguir colaborando para mellorar as súas instalacións e para poder ofrecer a mellor formación posible aos nenos e mozos valgueses.

Os técnicos da Xunta e do Concello encargaranse agora de avaliar cada unha das necesidades detectadas e coordinaranse para poder executar aquelas obras que se consideren prioritarias.

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver