- Terá lugar mañá venres no Auditorio Municipal ás 9 horas

- Poden asistir emprendedores, empresas, asociacións ou calquera tipo de entidade ou persoa que queira poñer en marcha un proxecto

^{Valga, 31 de xaneiro de 2019.}

^{O Grupo de Desenvolvemento Rural do Salnés e Ulla-Umia celebra mañá venres no Auditorio Municipal unha xornada informativa sobre as axudas do programa europeo Leader á que poden asistir emprendedores, empresas, asociacións ou calquera tipo de entidade ou persoa que queira poñer en marcha un proxecto ou estea interesado nesta liña de subvencións.}

^{O programa Leader 2014-2020 é impulsado pola Unión Europea e ten como principal obxectivo descentralizar as políticas de desenvolvemento rural, de maneira que o territorio rural deixe de ser un simple destinatario destas políticas para converterse en protagonista do seu propio desenvolvemento.}

^{No trancurso da xornada, que se desenvolve en colaboración co Concello de Valga, explicarase cales son as entidades beneficiarias do Leader, o procedemento de xestión das axudas, o orzamento co que conta o GDR Salnés Ulla-Umia para este período e a porcentaxe de subvención, os tipos de axudas e a documentación que debe presentarse para optar a elas, entre outras cuestións.}

^{A charla comezará ás 9 horas.}