O CRA CELEBROU O FESTIVALGA, UNHA GRAN FESTA DA MÚSICA EN GALEGO NO AUDITORIO

- O alumnado das distintas escolas interpretou en directo temas de Heredeiros da Crus, Ortiga e éxitos do Xabarín Club

- O Centro Rural Agrupado sumouse deste xeito ás celebracións do Día das Letras Galegas

^{Valga,  15 de abril de 2026.}

^{A música de Galicia e en galego soou como nunca no Auditorio Municipal da man do Festivalga, unha gran celebración organizada polo CRA e coa que as escolas rurais de Valga se sumaron ás celebracións do Día das Letras Galegas.}

^{Foron cantidade as candidaturas musicais que se presentaron ao festival e do heteroxéneo: dende cancións tradicionais que todos cantaruxamos nalgunha ocasión, coma a Rianxeira, Xirarei de Xil Ríos, o Galo de Pili Pampín ou o Pirimpimpín; ata propostas más actuais con artistas coma Ortiga, Fillas de Casandra, Mondra ou 9Louro. E, por suposto, unha boa dose de cancións da xeneración Xabarín Club.}

^{Algunhas delas interpretáronas en directo os alumnos das escolas de Valga, que subiron ao escenario caracterizados ao máis puro estilo galego. As nenas de Chenlo bailaron A Rianxeira; os cativos de Campaña berraron alto o “Churras, churras” de Heredeiros da Crus; e os de Ferreirós interpretaron “Quero Xamón” de Aerolíneas Federales. En Vilarello apostaron por “Mazarocas”, de Mondra e Baiuca; os rapaces do Forno dérono todo con “Estou na lavadora”, do Caimán do río Tea, e, por último, Xanza cantou “Kiwis”, de Brais das Hortas.}

^{A concelleira Malena Isorna asistiu como representante do Concello á entrega de agasallos aos participantes, entre os que estiveron representantes doutros colectivos e entidades valguesas coma a asociación Asdivalu, o colexio Xesús Ferro Couselo ou o Centro de Día.}