O PRAZO DE INSCRICIÓN NA RUTA DE SENDEIRISMO DO PROGRAMA “GOZA DO ULLA” ESTARÁ ABERTO ENTRE OS DÍAS 22 E 30 DE SETEMBRO

- A camiñada “Vistas do Ulla e afluentes” celebrarase o 4 de outubro e pasará por lugares coma as fervenzas ou as capelas da Saúde e dos Martores

- Os participantes poden anotarse no Concello, no Auditorio ou a través do correo electrónico Aquesta adreça de correu-e està protegida dels robots de spam.Necessites Javascript habilitat per veure-la.

^{Valga, 18 de setembro de 2025.}

^{O Concello de Valga manterá aberto entre os días 22 e 30 de setembro o prazo de inscrición na ruta de sendeirismo “Vistas do Ulla e afluentes”, que terá lugar o vindeiro 4 de outubro dentro do programa “Goza do Ulla”, co que se quere poñer en valor e promocionar o patrimonio natural e cultural dos territorios bañados polas augas deste río, dende o seu nacemento en Antas de Ulla ata a desembocadura en Vilagarcía de Arousa.}

^{A inscrición pode realizarse no Concello (986 55 94 56), no Auditorio Municipal (986 55 67 69) ou a través do correo electrónico Aquesta adreça de correu-e està protegida dels robots de spam.Necessites Javascript habilitat per veure-la., indicando nome e apelidos, DNI, lugar de residencia e teléfono de contacto.}

^{“Vistas do Ulla e afluentes” é un percorrido circular de dificultade media e 12 quilómetros de lonxitude. Discorre por algunhas das zonas máis elevadas de Valga e, principalmente por zonas de monte, saíndo ás 9:30 horas dende o Centro Social de Parafita.  Visitaranse lugares histórico-culturais como a Capela da Saúde, en Casal de Eirigo, ou a Capela dos Martores. Tamén paraxes naturais coma a Ruta das Fervenzas de Parafita e Raxoi na que, ademais da beleza das ribeiras do río Valga, os participantes poderán contemplar distintas tipoloxías de muíños restaurados.}