O CONCELLO RENOVOU A PAVIMENTACIÓN DE CASE UNHA VINTENA DE ESTRADAS MUNICIPAIS

- A nova capa asfáltica estendeuse en máis de catro quilómetros de vías, cun investimento total de 360.500 euros

- As actuacións, para reforzar a seguridade de condutores e peóns, financiáronse a través do programa +Provincia da Deputación

^{Valga, 8 de maio de 2026.}

^{Remataron as obras de pavimentación de estradas de titularidade municipal nas que o Concello investiu 360.510’35 euros do plan +Provincia da Deputación Provincial.}

• ^Gándara
• ^Balleas
• ^{Porto Piñeiro}
• ^Outeiro
• ^Vilarello
• ^Baño
• ^Campo-Xanza
• ^{A Torre}
• ^{Parque empresarial}
• ^{O Coto}
• ^Pumariño
• ^Belén
• ^{Devesa – Quinteiro}
• ^Fontenlo
• ^Outeiriño
• ^Sisto
• ^{Pavillón - Monte de Beiro}

^{Estes son os lugares nos que se executaron as melloras, que afectaron a máis de 4 quilómetros de pistas e estradas que se atopaban en condicións deficientes para a circulación, sendo preciso o seu acondicionamento para reforzar a seguridade tanto para vehículos coma para peóns.}

^{As obras incluíron a limpeza do terreo e das marxes e a dotación de novo firme asfáltico de cinco centímetros de espesor con mestura bituminosa en quente. Nalgúns tramos tamén se actuou nas cunetas e repuxéronse canalizacións de servizos e outros elementos complementarios coma pozos de rexistro, arquetas ou sumidoiros.}