A MÚSICA DOS BOLECHAS E O RECENDO A CASTAÑAS ASADAS E CHOURIZOS, A COMBINACIÓN PERFECTA PARA O MAGOSTO

- O Auditorio encheuse de familias para gozar do espectáculo “Aquí hai moito ruído!”, do programa FalaRedes

- Trala actuación, celebrouse unha degustación gratuíta de produtos típicos do outono

^{Valga, 7 de novembro de 2026.}

^{Fieis á súa cita de outono con Valga, Os Bolechas foron onte uns dos protagonistas da tarde de Magosto no Auditorio Municipal. Os populares personaxes creados por Pepe Carreiro e que tanto gustan aos máis cativos encheron o recinto de familias para cantar e bailar co espectáculo “Aquí hai moito ruído!”, que chegou a Valga da man do programa FalaRedes da Secretaría Xeral da Lingua.}

^{Desta volta, Os Bolechas mergulláronse no fascinante mundo da música, pero un misterioso personaxe, farto do ruído, decidiu facer desaparecer todos os sons. Un a un, os instrumentos, as voces e as cancións foron quedando en silencio e Os Bolechas, co empuxe de todo o público, emprenderon unha divertida aventura para recuperalos e facer que soar a música de novo.}

^{Trala actuación, chegou a parte gastronómica da festa, con castañas asadas, bocadillos e chourizos con pan de balde para todas as persoas que se deron cita no Auditorio e que foron moitas. Nun ambiente inmellorable e cheo de ledicia, participaron nesta tarde de cultura, música e encontro veciñal, contribuíndo a manter viva unha da grandes tradicións do outono galego.}