A ESCOLA MUNICIPAL DE IDIOMAS TEN ABERTO O PRAZO DE MATRÍCULA PARA O NOVO CURSO

- As clases de inglés impartiranse no Auditorio Municipal a partir do día 1 de outubro

- A reserva de praza pode facerse a través de correo electrónico ou no teléfono 986 851 225

^{Valga, 4 de setembro de 2025.}

^{A Escola Municipal de Idiomas retomará a súa actividade a comezos do vindeiro mes con cursos de inglés que serán impartidos no Auditorio por docentes do Centro de Idiomas Waterford e nos que poden participar persoas de todos os rangos de idade interesadas en mellorar o seu nivel nesta lingua estranxeira, tanto por motivos académicos coma laborais ou outros.}

^{O prazo de matrícula está aberto para nenos, mozos e adultos, contactando co centro a través do correo electrónico Aquesta adreça de correu-e està protegida dels robots de spam.Necessites Javascript habilitat per veure-la. ou nos teléfonos 986 851 225 e 698 133 512.}

^{O curso dará comezo o día 1 de outubro e rematará a finais de xuño de 2026, con pequenos períodos vacacionais en Nadal e Semana Santa, coincidindo co calendario escolar.}

^{As tarifas para este curso son de 50€ ao mes para persoas empadroadas en Valga e 55 euros mensuais para non empadroados no concello, con clases de dúas horas semanais que se impartirán os martes e os xoves en horario de tarde.}

^{O Centro de Idiomas Waterford é centro preparador oficial de Cambridge. O obxectivo seus cursos é dotar aos estudantes das capacidades que lles permitan superar aos exames KET (A2), PET (B1) e FIRST (B2) de Cambridge University. Estas probas avalían o nivel das habilidades tanto orais como escritas do alumno e están recoñecidos a nivel universitario e empresarial.}