O CAMPO MUNICIPAL DE BAÑO RENOVA A HERBA NATURAL EN MÁIS DE 800 METROS CADRADOS

^{·          -} O céspede, adquirido polo Concello, foi colocado onte por traballadores municipais, persoal do Concello e da Deputación

^{·          -} A entidade Provincial acometeu, ademais, tarefas de mantemento, co escarificado e picado do terreo de xogo

^{Valga, 19 de xuño de 2026.} 

^{O campo de fútbol municipal de Baño encara a recta final das súas obras de mellora do céspede natural. Onte á mañá procedeuse á colocación da nova herba, que chegou en rolos adquiridos polo Concello. A intervención centrouse nunha área duns 800 metros cadrados, correspondente ás zonas do campo que se atopaban máis deterioradas debido a problemas de drenaxe.}

^{Os traballos foron executados de xeito conxunto por traballadores municipais e persoal do Cordeiro C.F. —principal usuario das instalacións—, contando ademais coa supervisión directa de técnicos da Deputación Provincial.}

^{Trala colocación da nova herba, estendeuse sobre ela unha capa de area co obxectivo de protexer as xuntas e facilitar unha correcta consolidación do terreo. Durante estas primeiras xornadas, o céspede requirirá dun rego abundante e constante. Estímase que nun prazo de uns dez días se poida realizar xa a primeira corta.}

^{As actuacións no campo de Baño comezaron fai unhas semanas. Nunha primeira fase, procedeuse a levantar o céspede que estaba en mal estado, descompactar a terra e mesturala con area para mellorar a drenaxe.} 

^{En paralelo, a Deputación Provincial levou a cabo tarefas de mantemento na totalidade do terreo de xogo. Por unha parte, o escarificado para eliminar as capas de materia orgánica morta acumulada na superficie, estimulando así o crecemento de novos brotes e logrando un céspede máis denso. E tamén o picado, para descompactar a terra, permitindo unha óptima osixenación das raíces e facilitando a absorción de nutrintes.}

^{O concelleiro Álvaro Fernández acudiu onte ata as instalacións para comprobar o devir das obras.}