- A actividade desenvolveuse dende setembro no marco do programa Conectadas, da Deputación

- Os usuarios e outros participantes aprenderon a facer broches, chaveiros e outros adornos

^{Valga, 13 de decembro de 2023.}

^{A segunda tenente de alcalde, Carmen Gómez, e o concelleiro de Cultura, Pedro Calvo, asistiron esta mañá ao acto de entrega de diplomas dun curso de Artesanía en Coiro que se desenvolveu no CODI e no que participaron os usuarios e persoal do centro.}

^{A actividade deu comezo no mes de setembro no marco do programa Conectadas da Deputación de Pontevedra. Os participantes aprenderon a técnica para o moldeado do coiro con auga quente e a darlle textura con cunchas ou con ferramentas coma o buril. Ademais, tamén traballaron o pintado de pezas.}

^{Algúns dos traballos que realizaron foron broches, marcapáxinas, chaveiros, baleira petos, pendentes e outros adornos.}