O AUDITORIO ACOLLE A MOSTRA ITINERANTE “MULLERES QUE FAN CAMIÑO”, PARA VISIBILIZAR OS REFERENTES FEMININOS LOCAIS

- O acto de presentación incluíu un faladoiro coa Asociación Albor, recoñecida nos Premios FEMUPO 2026

- No coloquio falouse sobre a traxectoria do colectivo e as experiencias das dúas integrantes

^{Valga, 14 de outubro de 2026.}

^{O Auditorio Municipal acolleu onte a presentación da exposición itinerante “Mulleres FEMUPO, mulleres que fan Camiño”, impulsada pola Federación Pola Igualdade das Mulleres da provincia de Pontevedra (Femupo). O acto contou cun formato participativo que incluíu un encontro con integrantes da Asociación de Mulleres Rurais Albor, entidade recoñecida nos Premios Mulleres FEMUPO 2026.}

^{Un dos principais obxectivos desta iniciativa é amosar que os referentes femininos non teñen por que ser figuras afastadas ou de recoñecemento global. Nas vilas e no medio rural existen mulleres que, co seu traballo diario, a súa participación social e a súa capacidade de organización, están a contribuír á transformación das súas comunidades.}

 ^{“Poñer ás mulleres referentes no foco é un gran paso. Pero é aínda máis importante cando podemos escoitar as súas propias voces, coñecer como foi o seu camiño e descubrir que os referentes tamén están moi preto de nós”, sinalou a presidenta de Femupo, Raquel Touriño, que asistiu ao acto de onte.}

^{A exposición itinerante está composta por sete paneis: un primeiro panel inaugural que explica a orixe e o propósito do proxecto; cinco paneis correspondentes ás edicións dos Premios Mulleres FEMUPO celebradas entre 2022 e 2026; e un último panel dotado con códigos QR que permiten acceder a contidos dixitais e recursos audiovisuais.}

^{A mostra reúne o testemuño e a traxectoria de mulleres, colectivos e entidades recoñecidas en eidos tan diversos como a cultura, o deporte, a empresa, a administración e o asociacionismo. Trátase de ámbitos moi diferentes pero todos con capacidade para abrir camiño e servir de inspiración para a sociedade. A exposición permanecerá en Valga durante unha semana.}

^{Un encontro para poñer voz ao asociacionismo feminino}

^{Trala presentación da mostra, celebrouse un faladoiro participativo coas integrantes de Mulleres Rurais Albor. No encontro, as protagonistas compartiron a súa experiencia, a traxectoria do colectivo e o significado de formar parte da entidade, permitindo achegarse ás súas historias desde unha perspectiva persoal e poñendo en valor o papel do asociacionismo feminino no rural.}

^{Durante o acto, Begoña Piñeiro, presidenta de Albor, subliñou o labor que o colectivo leva desenvolvendo ao longo de 33 anos, "tecendo lazos invisibles entre mulleres". Piñeiro destacou que "a asociación non é só organizar actividades, é compañeirismo e saber que as demais están aí". Pechou a súa intervención con un xogo de palabras a partir do nome do colectivo, definindo ALBOR como o acrónimo de mulleres “Activas, Libres, Brillantes, Optimistas e Reais”.}