- Esta farsa teatral foi a única obra que o autor vilanovés escribiu para nenos

- As actividades das bibliotecas rematan o vindeiro martes co espectáculo “A festa dos monicreques” na Casa da Cultura de Valga

Dragón1

Valga, 23 de outubro de 2021.

A única obra que Ramón María del Valle-Inclán escribiu para nenos, a farsa teatral “La cabeza del Dragón”, representouse onte no Auditorio Municipal nun espectáculo de monicreques a cargo da compañía Títeres Cachirulo.

A divertida e emocionante función contou cun abundante público integrado por nenos e familias, que seguiron as andanzas do Príncipe Verdemar que, coa axuda dun trasgo traveso, enfrontouse a bandoleiros e mesmo loitou contra o temible dragón que tiña apresada á filla do Rei.

A actividade foi organizada polas bibliotecas municipais, no marco do programa de animación á lectura “Ler conta moito”, da Rede de Bibliotecas Públicas de Galicia. A programación de outono das bibliotecas pecharase o vindeiro martes, día 26, cun novo espectáculo de títeres que terá como escenario a Casa da Cultura de Valga.

A partir das 17:30 horas Laranaitz Producións Artísticas representará “A festa dos monicreques”, con entrada de balde para todo o público que queira asistir.

           Dragón2           Dragón3

Dragón4 Dragón5

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver