Accessibility Tools

NOVAS DO CONCELLO

- Están a executar tabiquerías de ladrillo para distribuír o espazo que albergará, nun futuro, distintos servizos municipais

- Tamén se encargarán de instalar os falsos teitos, paredes e portas de madeira

oe1

Valga, 6 de marzo de 2018.

O alumnado do módulo de albanelería do Obradoiro de Emprego Ulla-Umia II, que comparten Valga e Moraña, comezou nos últimos días a traballar no interior do edificio de usos administrativos que o Concello está a construír na praza Manuel Vicente Cousiño, en Pontevalga.

Os traballos recollidos no proxecto consisten na limpeza dos paramentos verticais de pedra, que despois rexuntarán a base de morteiro coloreado. Xa se levou a cabo o replanteo e estanse a executar, tamén, tabiquerías de fábrica de ladrillo con morteiro para distribuír o espazo que albergará, nun futuro, distintos servizos municipais.

Esta mañá o alcalde, José María Bello Maneiro, e a concelleira de Formación e Emprego, Carmen Gómez, visitaron a obra xunto ao arquitecto municipal, Serafín Vigo, e a directora do Obradoiro, Mª Carmen Vidal Paz.

O alumnado do módulo de carpintería encargarase despois de preparar a madeira para os falsos teitos, paredes e portas do edificio administrativo. Ademais, fabricarán mobiliario urbano para instalar en distintos lugares do municipio.

Con estas obras, os alumnos poñen en práctica os coñecementos adquiridos previamente, se ben a formación teórica aínda continúa impartíndose nas aulas e nos talleres.

O Obradoiro de Emprego Ulla-Umia II deu comezo a mediados de outubro de 2017 e prolongarase ata o mes de xullo coa participación de dez desempregados de Valga e outros tantos de Moraña. Os vinte alumnos, quince mulleres e cinco homes, estanse a formar nas especialidades de albanelería e carpintería por un período de nove meses durante o que perciben o salario mínimo interprofesional. A Xunta de Galicia aporta 280.000 euros para financiar esta acción formativa, mentras que as dúas administracións locais sufragan os materiais para as obras que os alumnos levan a cabo nos respectivos municipios.

oe2 oe3 oe4 oe5

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver